2 წლის ანიტა ფაცაციას მდგომარეობა სტაბილურია. როგორც ექიმები ვარაუდოებენ, სისხლში ინფექციის დაძლევას დაახლოებით ერთი თვე დასჭირდება.
„დიდი თხოვნის შემდეგ ანიტას დედა, მარიკო რეანიმაციულ განყოფილებაში ჩვეულებრივზე მეტ ხანს გააჩერეს, რაც ძალიან გვახარებს.
გრძელდება ანტიბიოტიკოთერაპია, ექიმების ვარაუდით სისხლში ინფექციის დაძლევას დაახლოებით ერთი თვე დასჭირდება. ამ ეტაპზე ისევ არის დიალიზის საჭიროება. ბილირუბინის მაჩვენებელმა ცოტათი დაიწია და თითქმის ნორმის ზღვარს გაუტოლდა. ჩვენი ელჩი ისევ რჩება ანიტას ოჯახის გვერდით და ძალიან დიდ მხარდაჭერას უწევს მათ. ანიტას წინ ხანგრძლივი მკურნალობა და რთული გზა ელის და ამ გზაზე თქვენი თანადგომის იმედი გვაქვს!“, – წერს ოჯახის ახლობელი, მარიკა ხუციშვილი.
ცნობისთვის, მას შემდეგ, რაც ავსტრიის შემდეგ ანიტას ოპერაციაზე იტალიის კლინიკამაც უარი თქვა, ბავშვის ოპერაციის ჩატარებაზე პასუხისმგებლობა კი ვერც ბელარუსმა აიღო, ანიტას ოჯახმა შეთავაზება ინდოეთიდან მიიღო.
რისკების მიუხედავად, 2 წლის ანიტა ფაცაცია ინდოეთში მშვიდობით ჩაფრინდა და მკურნალობას ინდოეთის კლინიკაში განაგრძობს.