ფიქრობთ თუ არა, რომ სწორად იყავით შერჩეული მინისტრის პოსტზე, – ასე მიმართა ფრაქცია „დამოუკიდებელი დეპუტატების“ წევრმა, ზვიად კვაჭანტირაძემ პარლამენტის პლენარულ სხდომაზე, ჯანდაცვის მინისტრს ეკატერინე ტიკარაძეს, რომელსაც დეპუტატები მინისტრის საათის ფარგლებში უსმენდნენ.
განსაკუთრებული კრიტიკა 520-ე დადგენილებასთან დაკავშირებით ისმოდა, რომელიც კარდიოქირურგიის და კრიტიკული მედიცინის მიმართულებით ტარიფების განსაზღვრას ითვალისწინებს.
“ფიქრობთ, რომ თქვენ სწორად იყავით შერჩეული მინისტრის პოსტზე?! თქვენი გამინისტრების დღიდან ძალიან უხეში ქირურგიული ჩარევით თქვენი 520-ე დადგენილებით ყველაფრის ჩეხვა დაიწყეთ. თქვენი რეფორმა 520-ჯერ არტყამს დანას მძიმე პაციენტებს,” – განაცხადა ფრაქცია “დამოუკიდებელი დეპუტატების” წევრმა ზვიად კვაჭანტირაძემ.
კომენტარები