გავრცელდა არასწორი ინფორმაცია, რომ პირველადი აუცილებლობის პროდუქტთან ერთად ყველა მოსახლისთვის რიგდებოდა ფულადი შემწეობის სახით 50 ლარი, ეს არის დეზინფორმაცია, – ამის შესახებ ქვემო ქართლის რწმუნებულმა, შოთა რეხვიაშვილმა ჟურნალისტებს განუცხადა.
მან ასევე აღნიშნა, რომ დეზინფორმაციის გავრცელებაში მოანწილეობა „ნაციონალურმა მოძრაობამ“ მიიღო.
„ამ ყველაფრის ორგანიზებაში იყო ჩართული ოპოზიციური პარტიის „ნაციონალური მოძრაობის “ წარმომადგენელი აზატ ქერიმოვი“, – აღნიშნა რეხვიაშვილმა.
მარნეულის მერიასთან მოსახლეობა შეიკრიბა, ისინი დახმარებას ითხოვენ. ადგილზე იმყოფებოდა მარნეულის მერი, რომელმაც მოსახლეობას სახლში დარჩენისკენ მოუწოდა.
მარნეულისა და ბოლნისის მუნიციპალიტეტები მკაცრ საკარანტინო რეჟიმზე მას შემდეგ გადავიდა, რაც მარნეულში კორონავირუსით ქალი დაინფიცირდა, რომლის ინფიცირების წყაროს დადგენაც ვერ მოხერხდა.