ჩვენი მოწოდებაა გავაუქმოთ საგანგებო მდგომარეობა და მხარს არ ვუჭერთ, გავაუქმოთ კომენდანტის საათი, მაგრამ ხელისუფლებამ კარანტინის რეჟიმი შეინარჩუნოს – ამის შესახებ პატრიოტთა ალიანსის ერთ-ერთმა ლიდერმა ირმა ინაშვილმა პარლამენტის საგანგებო პლენარულ სხდომაზე განაცხადა, სადაც კენჭს უყრიან ქვეყანაში საგანგებო მდგომარეობის გახანგრძლივებას.
„ჩვენი ამოცანა არის დავუპირისპირდეთ ეპიდემიას, ჩვენი ამოცანა არ არის დავტანჯოთ ადამიანები, გადაწყვეტილება, ავტომანქანების აკრძალვასთან დაკავშირებით ეს პირდაპირ კავშირშია ადამიანების ტანჯვასთან. რადგან ბევრი ადამიანი ფეხით მიდის მის მოხუც მშობელთან, რომ საკვები მიუტანოს და ჩვენ ამ ადამიანებს ვუქმნით ყოველდღიურ პრობლემას და გაუგებარია რატომ?“ თუ ადამიანს გაუფუჭდება ტელეფონი, მას ვერც შეაკეთებს და ვერ დარეკავს სასწრაფოში, თუ გაუფუჭდება ცხელი წყლის ავზი, ვერც ამას გამოცვლის და შესაბამისად ექიმების რეკომენდაციას ვერ დაიცვას, ვერ დაიბანს ხელს. საგანგებო ვითარების გაგრძელება სწორი არ არის. ყველა საკითხის გადაჭრამ, რაზეც ჩვენი მთავრობა და მედიკოსები საუბრობენ შესაძლებელია კარანტინის პირობებშიც. არ არის სწორი პანიკის შექმნა, ბევრ ჩემს ნაცნობს ამ პანიკიდან ინფარქტი დაემართა. პანიკას მეტი ზიანი მოაქვს ვიდრე თავად ვირუსს. არ არის სწორი ეკონომიკის გაჩერება ამდენი ხნის მანძილზე, რადგან ზიანი იქნება წარმოუდგენლად დიდი. ჩვენი მოწოდებაა გავაუქმოთ საგანგებო მდგომარეობა და მხარს არ ვუჭერთ, გავაუქმოთ კომენდანტის საათი, მაგრამ ხელისუფლებამ კარანტინის რეჟიმი შეინარჩუნოს“, – აღნიშნა ინაშვილმა.