მინდა მოვუწოდო ადგილობრივ მუნიციპალიტეტებს, მაქსიმალურად გააორმაგონ შრომა, რათა თითოეულ მოქალაქეს დეტალურად მივუტანოთ ყველა ინფორმაცია, ყველა შეღავათი, რომელიც წესდება სოციალური მხარდაჭერის ფარგლებში, – ამის შესახებ საქართველოს პრემიერ-მინისტრმა, გიორგი გახარიამ მთავრობის სხდომაზე განაცხადა.
როგორც გიორგი გახარიამ აღნიშნა, თითოეულ მოქალაქეს, მიუხედავად მათი ეთნიკური წარმომავლობისა, ან რომელ რეგიონში ცხოვრობენ ისინი, თითოეული მომსახურეობა, საგანგებო მდგომარეობის პირობებში როგორიც იქნება ჯანდაცვის, ეკონომიკის, მიეწოდებათ თანაბრად.
„მოგეხსენებათ, რომ ისეთი საიტი, როგორიც არის stopcov.ge, არის თარგმნილი სამ ენაზე. მინდა, მოვუწოდო პირველ რიგში ადგილობრივ მუნიციპალიტეტებს, მაქსიმალურად გააორმაგონ შრომა, რათა თითოეულ მოქალაქეს დეტალურად მივუტანოთ ყველა ინფორმაცია, ყველა შეღავათი, რომელიც წესდება სოციალური მხარდაჭერის ფარგლებში, სახელმწიფოს ნაბიჯები, რომლებიც გადადგმულია. გარდა ამისა, მინდა დავავალო გუბერნატორებს, ამ მიმართულებით გადადგან ქმედითი ნაბიჯები, რათა ყველა ღონისძიება, რომელსაც ატარებს მთავრობა, თანაბრად იყოს გადანაწილებული საქართველოს თითოეულ მოქალაქეზე“, – განაცხადა გიორგი გახარიამ.