ბატონი გიორგი ვაშაძე ნიჭიერი, ახალგაზრდა რეფორმატორი ლიდერია, დადებითი დამოკიდებულება მაქვს, – ამის შესახებ „ლეიბორისტული პარტიის“ ლიდერმა შალვა ნათელაშვილმა განაცხადა.
“პოლიტიკა არის კომპრომისების ხელოვნება, ამიტომ დათმობა ყველას გვევალება. ზოგ პარტიას ძალიან ბევრი კანდიდატი ჰყავს მაჟორიტარულ ოლქში, სახეები ყავთ, რომლებიც 4-5 ჯერ არიან არჩეულები მაჟორიტარულ ოლქში. ძალიან გაუძნელდება ნებისმიერი პარტიის ლიდერს, მათ შორის მეც, ასეთი ადამიანი დავარწმუნო, რომ აღარ იყაროს კენჭი იმ საერთო მიზნებისთვის“,- განაცხადა შალვა ნათელაშვილმა და დასძინა, რომ გიორგი ვაშაძეს მხარს დაუჭერდა მაჟორიტარ დეპუტატად.
„ბატონი გიორგი ვაშაძე ნიჭიერი, ახალგაზრდა რეფორმატორი ლიდერია, დადებითი დამოკიდებულება მაქვს, მე მას დავუჭერ მხარს მაჟორიტარ დეპუტატად. ნებისმიერ პოლიტიკოსს აქვს იმის უფლება, რომ სადაც უნდა დაასახელოს საკუთარი კანდიდატურა“,- განაცხადა შალვა ნათელაშვილმა.