ამბროლაურის პოლიციის განყოფილებაში გუშინ მომხდარ ინციდენტში მონაწილე პირების დაკითხვა მიმდინარეობს. სამართალდამცავები იმ აქტივისტს და თვითმხილველებს კითხავენ, რომელთაც ნაციონალური მოძრაობის წევრი, რაჭის ყოფილი გუბერნატორი ფიზიკურად გაუსწორდა.
ექსპერტ-კრიმინალისტებს ნაცემი აქტივისტი უკვე ჰყავდათ შემთხვევის ადგილზე. მას მედიასთან საუბარი არ სურს.
რაც შეეხება სირაძეს, „ნაციონალური მოძრაობის“ წარმომადგენელი ამბობს, რომ ეს იყო პროვოკაცია, რომლის მოგერიებაც ფიზიკური დაპირისპირების გარეშე ვერ შეძლო და მომხდარ ფაქტს მცირე შეხლა-შემოხლად აფასებს.
რაჭაში მომხდარ ინციდენტზე, რა დროსაც „ნაცმოძრაობის“ პოლიტსაბჭოს წევრმა, ოთარ სირაძემ აქტივისტს ფიზიკური შეურაცხყოფა მიაყენა, შსს-მ გამოძიება სსკ-ის 239-ე მუხლით დაიწყო, რაც ხულიგნობას გულისხმობს.
კომენტარები