ჩვენ დიდი ხანია, ვსაუბრობთ კონკრეტულად მათი პარტიიდან მოწოდებულ ინფორმაციებზე, რომ ისინი არჩევნებს აგებენ. ერთადერთი მცდელობა, რომელიც მათ აქვთ, არის დესტრუქციის შემოტანა და არეულობა, – ასე გამოეხმაურა პარტია „ქართული ოცნების“ გენერალური მდივანი, კახა კალაძე გამთენიისას, ცენტრალურ საარჩევნო კომისიასთან, ოპოზიციური პარტიების წარმომადგენლების მიერ გამართულ აქციას.
„კიდევ ერთხელ ვიმეორებ, არავის არაფერი არ გამოუვა. ჩვენ ვიმოქმედებთ კანონის ფარგლებში“ – განაცხადა კახა კალაძემ.
გამთენიისას, ცენტრალურ საარჩევნო კომისიასთან ოპოზიციური პარტიების წარმომადგენლებმა აქცია გამართეს. ადგილზე ნიკა გვარამია მივიდა და აცხადებდა, რომ, როგორც ჟურნალისტსა და მედიის წარმომადგენელს ცესკოს თავმჯდომარისგან ინტერვიუს აღება სურდა. მან ოპერატორთან ერთად სცადა ცენტრალურ საარჩევნო კომისიის შენობაში შესვლა, თუმცა სამართალდამცველებმა ამის უფლება არ მისცეს. ადგილზე ხმაური და დაპირისპირება იყო.