პარლამენტის წევრის, მიხეილ ყაველაშვილის თქმით, მიხეილ სააკაშვილი, „ნციონალური მოძრაობა“ და ახლა უკვე მისი ახალი ლიდერი ნიკა მელია საკუთარ თავს კანონზე მაღლა აყენებენ.
„ისინი საკუთარ თავს კანონზე მაღლა აყენებენ, პირველ რიგში, „ნაციონალური მოძრაობა“ და მიხეილ სააკაშვილი, ახლა, ახალი ლიდერი ნიკა მელია. თუ იმას ამბობს, რომ ახლა არ შეასრულებს, მანამდე ხომ შეასრულა? რა გამოდის, რომ კანონზე მაღლა უნდა დადგეს? რას ეუბნება თანამოქალაქეებს, მათ რა ქნან, ვინც ანალოგიურ მდგომარეობაშია? თავისი მომხრე იქნება, თუ სხვა, რომ მოუწოდებენ, კანონს არ დაემორჩილონ და არ შეასრულონ, ეს რა არის? ნიკა მელიას გონებაში რა ხდება, არ ვიცი, მაგრამ ამბობს, 2012 წლამდე ოპოზიციაში ვიყავიო და ისეთი დანაშაულების მერე, რაც ამ პარტიამ საკუთარი მოსახლეობის წინაშე ჩაიდინა, 2012 წლის შემდეგ „ნაციონალური მოძრაობის“ წევრი რომ გახდება, აქ უკვე ფსიქოლოგიურ პრობლემასთან გვაქვს საქმე“, – აღნიშნა მიხეილ ყაველაშვილმა.