დღეს, შესაძლოა, ცნობილი გახდეს, დაწესდება თუ არა ქვეყანაში დამატებითი შეზღუდვები სადღესასწაულოდ. დღევანდელი მთავრობის სხდომის მთავარი საკითხი, სავარაუდოდ, არსებული ეპიდვითარება იქნება.
მინისტრთა კაბინეტი მთავრობის ადმინისტრაციაში პრემიერის ხელმძღვანელობით რამდენიმე საათში შეიკრიბება.
დაავადებათა კონტროლის ეროვნული ცენტრის ხელმძღვანელი ვარაუდობს, რომ განსაკუთრებული აკრძალვები არ იქნება და რეკომენდაციების მაქსიმალურად დაცვის მნიშვნელობაზე საუბრობს. ამირან გამყრელიძე იმედოვნებს, რომ თუ აღდგომის დღესასწაულზე მოხერხდება რეკომენდაციების მაქსიმალურად დაცვა, შესაძლებელია მესამე ტალღა არ იყოს ისეთი მასშტაბის, როგორც ნოემბერ-დეკემბერში.
პარალელურად, ჩინურ ვაქცინა Sinopharm-ზე რეგისტრაცია ხვალიდან უნდა დაიწყოს. ჩინურ ვაქცინით იმუნიზაცია მაისში, სააღდგომო დღესასწაულების დასრულების შემდეგ იგეგმება, იმის მიუხედავად, ექნება, თუ არა მას ჯანმრთელობის მსოფლიო ორგანიზაციის ავტორიზაცია.
დღეს ქვეყანაში აცრა ორი ტიპის ვაქცინითაა შესაძლებელი – Pfizer-ით და AstraZeneca-თი. 25 აპრილის მონაცემებით, ქვეყანაში სულ 37590 ადამიანია აცრილი.