სრულიად საქართველოს კათოლიკოს-პატრიარქმა, ილია მეორემ სრულიად საქართველოსა და მსოფლიოს ქრისტეს აღდგომის დღესასწაული მიულოცა.
„ნათელი ქრისტე განგვანათლებს ყოველთა. დღეს ჩვენმა პრემიერ-მინისტრმა გაგზავნა იერუსალიმში სპეციალური თვითმფრინავი წმინდა ცეცხლის ჩამოსატანად. ქრისტე აღსდგა. ღმერთი იყოს თქვენი და საქართველოს, მსოფლიოს მფარველი. ქრისტე აღსდგა“, – აღნიშნა ილია მეორე, სამების საკათედრო ტაძარში, სადაც სააღდგომო ლიტურგია მიმდინარეობს.
იერუსალიმში, ქრისტეს აღდგომის ტაძარში წმინდა ცეცხლი გადმოვიდა. ცეცხლი, ტრადიციისამებრ, მაცხოვრის საფლავზე მდებარე კუვუკლიადან იერუსალიმის პატრიარქმა გამოიტანა.
წმინდა ცეცხლი საქართველოშიც ჩამოიტანეს, რომელსაც ყველა მოქმედ ტაძარში გაანაწილებენ.
კომენტარები