მთავრობამ მიიღო გადაწყვეტილება, რომ ის საზოგადოებისთვის მაგალითი გახდება, – ამის შესახებ ჯანდაცვის მინისტრმა ეკატერინე ტიკარაძემ ჟურნალისტებს რესპუბლიკურ საავადმყოფოში განუცხადა, სადაც იგი დეპუტატების ვაქცინაციას აკვირდებოდა.
მისი თქმით, საქართველოში ვაქცინაცია მნიშვნელოვნად გაუმჯობესდა. გუშინ დაფიქსირდა რეკორდული ციფრი. კერძოდ, 3 600-ზე მეტმა ადამიანმა ჩაიტარა ვაქცინაცია, რაც სასიხარულოა. მინისტრმა აღნიშნა, რომ საზოგადოების მხრიდან მზაობა და სანდოობა ვაქცინაციის მიმართ იზრდება, რაც მოსალოდნელი იყო.
„მთავრობამ მიიღო გადაწყვეტილება, რომ ის საზოგადოებისთვის მაგალითი გახდება, რაც საზოგადოებაში ვაქცინაციას გაზრდის. ვაკვირდებით, ომ ბოლო პერიოდში მინისტრების ჩართულობა აქტიურია. ასევე მნიშვნელოვანია ამ პროცესში საკანონმდებლო ორგანოს დეპუტატების ჩართულობა, ვინაიდან ისინი არიან ხიდი ჩვენს საზოგადოებასთან და დარწმუნებული ვარ, გაააქტიურებს ამ პროცესს“, – განაცხადა ტიკარაძემ.