“პარლამენტში გახარიას კვოტით მოხვედრილი რამინა ბერაძემ, საზოგადოებას “ქართული ოცნების” ანტიპიარით დაამახსოვრა თავი”

უფლებადამცველი ირაკლი ზაქარეიშვილი სოციალურ ქსელში პოსტს აქვეყნებს, რომელსაც უცვლელად გთავაზობთ.
“ქართული ოცნებიდან” საქართველოს პარლამენტში გახარიას კვოტით მოხვედრილი რამინა ბერი
აძე, ნარმანიას მერობის ჟამს თბილისის საკრებულოს “ოცნების” ფრაქციას თავმჯდომარეობდა. ამ ქალბატონმა საზოგადოებას “ქართული ოცნების” ანტიპიარით დაამახსოვრა თავი!.. ის აცხადებდა, რომ – სოციალურად დაუცველი პირებისთვის გახსნილ უფასო სასადილოებში, ბენეფიციარების კვებისთვის დღიურად გამოყოფილი თანხა – 1 ლარი და 18 თეთრი, სრულიად საკმარისი იყო და ეს საკითხი გადახედვას არ საჭიროებდა!..
ამ განცხადების გაკეთების დრისათვის, ქალბატონ რამინას ხელფასი 2 600 ლარს შეადგენდა და 8-ჯერ ჰქონდა მიღებული პრემია-დანამატი, მათ შორის 7-ჯერ – ხელფასის სრული ოდენობით.
ამავე პერიოდში, რამინა ბერიძის სახელზე რეგისტირებული იყო ორი ბინა და საცხოვრებელი სახლი თბილისში; ასევე მისი მეუღლის – მერაბ სიორიძის სახელზე მიწის ორი ნაკვეთი მარნეულისა და ოზურგეთში; ხაზარაძის ბანკში ჰქონდა ორი ანაბარი, სადაც 21 924 დოლარი და 2 295 ევრო ერიცხებოდა. იმავე წელს მისმა მეუღლემ მერაბ სიორიძემ, შპს “ვაგონშემკეთებელი კომპანიის” შესყიდვების მთავარმა სპეცილისტმა, სამუშაოს შესრულებისათვის 75 000 ლარი მიიღო. რამინა ბერიძემ საკრებულოში ფრაქციის თავმჯდომარის რანგში მიიღო 16 549 ლარი, ხოლო სახლის გაქირავებით – 220 000 ლარი. ქონებრივი დეკლარაციით ირკვეოდა, რომ 2015 წელს რამინა ბერიძემ ოჯახის წევრებს 55 000 ლარის ოქროს ძვირადღირებული ნივთები გადასცა.
ქალბატონმა რამინამ შემდეგში უარყო მის მიერ ნათქვამი და განაცხადა – “ჩემი ფრაზა არა გამოყოფილ თანხას, არამედ კვების კალორიულობას შეეხებოდა, 1100 “კილოვატკალორია” 😁 ერთი შეჭმისთვის სავსებით საკმარისიაო!.. აქვე გთავაზობთ ქალბატონ რამინას მოწონებულ მენიუს და კალორიულობა თავად შეაფასეთ!..
P.S. დააკვირდით “რამინას პურის” ოდენობას 250 გრ და ბლოკადის ლენინგრადის პურის ნორმა – 250 გრ; ხილი 80 გრ. და ა.შ.
_______________________
რამინა ბერიძე:
* დააამთავრა ბაქოს უმაღლესი პარტიული სკოლა;
* კომუნისტური პარტიის ოზურგეთის რაიკომის მდივანი 1985 – 1992 წლებში;
* კომპარტიის ცენტრალური კომიტეტყის წევრი;
* 1992–1995 წლებში, პუტჩისტების მიერ დანიშნული იქნა ოზურგეთის მერის პირველ მოადგილედ;
* შევარდნაძე-სააკაშვილის პრეზიდენტის აპარატის დსთ-ს და „მშვიდობიანი კავკასიის“ განყოფილების უფროსი (1996 – 2005);
* ზურაბ ნოღაიდელის ფინანსთა სამინისტროს თბილისის საგადასახადო ინსპექციის აპარატის ადმინისტრაციის უფროსი (2005 – 2007)
* თბილისის მუნიციპალიტეტის საკრებულო ფრაქცია „ქართული ოცნების“თავმჯდომარე, ჩუღურეთის მაჟორიტარი დეპუტატი (2014 – 2016);
* თბილისის საკრებულოს დეპუტატი და სარევიზიო კომისიის თავმჯდომარე (2017 – 2020);
* 2021 წ. პარლამენტის წევრი „ქართული ოცნებიდან” – არჩეულია გახარიას კვოტით პარტიული სიით.
* 2015 წელს აშშ-ს ელჩმა და სახალხო დამცველმა უჩა ნანუაშვილმა, “ტოლერანტობის ქომაგის” პრემია მიანიჭეს!..
________________________________
აქვე დავწერ, რომ არაფერს ვერჩი ქალბატონ რამინას, უბრალოდ მებადება კითხვა – საქართველოს 3 700 0000 მოსახლეობაში და 1,6 ,ილიონიან თბილისში, რანაირად “შეამჩნიეს” და შეარჩიეს ქალბატონი რამინა ხალხის ხმოსნად?! ვინ გაუწია რეკომენდაცია, როგორც “ტალანტლივეიში” სახელმწიფო მოღვაწეს?!..
ვინ დამაჯერებს ეხლა მე, რომ ქალბატონ რამინას ხალხზე ფიქრით ღამე არ სძინავს?!..
“ნაცებს” ქეთა გაბიანი ჰყავდათ და “ოცნებას” ეს ქალბატონი ჰყავს კოჰორტაში!..”-წერს ზაქარეიშვილი.