მოკლედ, არ ვიცი რამდენად გამართლდება ყველა პროგნოზი, მაგრამ დღევანდელმა დღემ მყარად დამარწმუნა იმაში, რომ ბატონი გახარია პოლიტიკურ ველზე, ჩემდა სამწუხაროდ, სწორედ ნეოლიბერალური ბუდის დაკავებას აპირებს.”– წერს სოციალურ ქსელში ხათუნა ხოფერია და ეხმიანება ყოფილი პრემიერის დაბრუნებას პოლიტიკურ ასპარეზზე. ის აღნიშნავს, რომ გიორგი გახარიასგან მეტს ელოდა.
“დღეს აღარ არსებობს სხვაობის ნიშანი კობახიძე-სააკაშვილ-გირჩიჯაფარიძე-მდინარაძის პარტიებს შორის. სწორედ ეს არის მათი გარიგებებისა და შეთანხმებული ქმედებების მყარი საფუძველი ანუ ლიბერასტულ – ნეოკონსერვატიულ – უსამშობლო – უღმერთო – უოჯახო ქართული პოლიტიკის დანერგვა-გამყარება. სწორედ აქ ხდება გახარიას ახალი პოლიტიკური ძალის მოაზრებაც.
ამის ფიქრის საფუძველს მაძლევს პროგრამულ გამოსვლაში დაფიქსირებული მრავალი იდეოლოგიური თანხვედრა ზემოთჩამოთვლილ პოლიტიკურ ჯგუფებთან და არც ერთი საყვედურით ნათქვამი სიტყვა იმ გადაწყვეტილებებისადმი, რამაც შეურაცხყო და დააკნინა ქართული სახელმწიფო, საქართველოს კონსტიტუცია. სუვერენიტეტი დააკარგვინა ჩვენ სამშობლოს!
მეწყინა, მეტკინა, რამე თუ ბევრად მეტს მოველოდი და ძალიან მინდოდა, ჩემი გუშინდელი ნააზრევის შემრცხვენოდა.”– წერს ხათუნა ხოფერია.