ფინანსთა სამინისტროს შემოსავლების სამსახურის წარმომადგენლებმა სომხეთის რესპუბლიკის შემოსავლების კომიტეტის დელეგაციის წევრებთან სამუშაო შეხვედრა გამართეს. ორმხრივი შეხვედრა საბაჟო გამშვები პუნქტი „ბაგრატაშენის“ ტერიტორიაზე გაიმართა.
შეხვედრის ფარგლებში, მხარეებმა განიხილეს COVID-19-ის პანდემიით შექმნილი გამოწვევები და პოსტპანდემიურ პერიოდში, თანამშრომლობის კიდევ უფრო გაღრმავების პერსპექტივები. ამასთან, ისაუბრეს ორი ქვეყნის საზღვრებს შორის გადაადგილებული ტვირთებისა და სატრანსპორტო საშუალებების შესახებ და ინფორმაციის ავტომატურ რეჟიმში გაცვლის შესაძლებლობებზე.
„თარგმანი მოხარული ვართ, რომ მნიშვნელოვანი შეხვედრის მიზნით, ვიმყოფებით საბაჟო გამშვები პუნქტი „ბაგრატაშენის“ ტერიტორიაზე. ფაქტობრივად, ეს ჩვენი პირველი შეხვედრაა COVID-19-ის პანდემიით გამოწვეული შეზღუდვების შემდეგ. დიალოგის ფორმატში გამართულ შეხვედრაზე, განვიხილეთ თანამშრომლობისა და ინფორმაციის გაცვლის საკითხები, მათ შორის, საუბარი შეეხო GPS ლუქების გამოყენებით საერთაშორისო ტვირთბრუნვის მონიტორინგის პროცესის გამარტივებას. ასევე დავგეგმეთ მომავალი შეხვედრები, რომლების ონლაინ ფორმატში გაიმართება“, – აღნიშნა სომხეთის რესპუბლიკის სახელმწიფო შემოსავლების კომიტეტის თავმჯდომარის მოადგილემ, შუშანიკ ნერსისიანმა.
ბოლო 3 წლის მონაცემებით, საქართველოსა და სომხეთს შორის ტვირთბრუნვამ 2 მილიარდ 400 მილიონ დოლარს გადააჭარბა და გლობალური პანდემიის მიუხედავად, შენარჩუნდა როგორც დადებითი დინამიკა, ასევე – საერთაშორისო ტვირთების შეუფერხებელი მიწოდება.