ჟურნალისტი გია გაბრიჭიძე სოციალურ ქსელში სომხეთ-აზერბაიჯანის კონფლიქტის დარეგულირებაში პრემიერ-მინისტრ ირაკლი ღარიბაშვილის აქტიური როლის შესახებ წერს:
“ის, რომ საქართველოს პრემიერ-მინისტრი ირაკლი ღარიბაშვილი, აშშ-ს სახელმწიფო მდივნის აპარატთან ერთად აქტიურად მონაწილეობდა რეგიონში მომხდარი კონფლიქტის დროს სომხური ეროვნების 15 ტყვის გათავისუფლებაში არა მხოლოდ ჰუმანურ აქტში მონაწილეობას წარმოადგენს, არამედ პირველ რიგში საქართველოს იმ დიდი ავტორიტეტის დაფიქსირებაა, რასაც ბოლო წლებში ჩვენმა ქვეყანამ არა მხოლოდ რეგიონში, არამედ საერთაშორისო მასშტაბით მიაღწია.
თამამად შეიძლება ითქვას, რომ პრემიერის ბოლო ვიზიტები, ასევე მაღალი რანგის სტუმრები პარტნიორი და მეგობარი ქვეყნებიდან, ის მნიშვნელოვანი გადაწყვეტილებები რაც ბოლო პერიოდში იქნა მიღებული, საქართველოს, როგორც სტაბილური და წინსვლაზე ორიენტირებული ქვეყნის აღიარებაა.
დღევანდელი მაგალითი კი ამ ყველაფერთან ერთად უდიდესი მორალური დატვირთვის მატარებელია, რაც საქართველოს თითოეული მოქალაქეში ფრიად საამაყო განცდას იწვევს” – წერს გაბრიჭიძე