ანალიტიკოსი ლევან ნიკოლეიშვილი სოციალურ ქსელში წერს:
“გუშინ “მთავარ არხზე“ შედგა გადაცემა, სავარაუდო სახელწოდებით „გიორგი გაბუნიას ინტერვიუ ხელისუფლების წარმომადგენელთან.“ შედგას ვამბობ, თორემ, ვისთვის მართლა შედგა/დადგა გარკვეული შედგი და ვისთვის არა ამაზე ქვემოთ…
გადაცემის წამყვანი გიორგი გაბუნია, აშკარად ძლივს იკავებდა თავს მოწოლილი აგრსეიისგან და ცდილობდა კორექტული ყოფილიყო, თუმცა ძალიან, ძალიან უჭირდა…
„ქართული ოცნების“ თავჯდომარე ირაკლი კობახიძე, მისთვის ჩვეულ სტილში აუღელვებლად, წყნარად და მშვიდად პასუხობდა ყველა კითხვას…
„მთავარის“გაბუნიას მთავარი მიზანი მაინც გიორგი გახარიას თემა იყო, და ათასნაირად შეაბრუნა კითხვა-„თუ ადრე აქებდით ახლა რატომ აკრიტიკებთო“-რაზეც ბატონმა კობახიძემ ასევე ათასჯერ უპასუხა- „ვაკრიტიკებთ, რადგანაც არასწორად მოიქცა, და ამ საქციელის პასუხი მისგან არ მიგვიღიაო.“ საერთოდ, რატომ ჰგონიათ მედიის ან მედიად წოდებულის წარმომადგენლებს, რომ თუ კითხვას შეატრიალ-შემოატრიალებ, რესპონდენტი დაიბნევა, და რამეს ისეთ იტყვის, რომ აშენდები? თან რატომ არ ითვალისწინებ ვის ელაპარაკები, ვგულისხმობ კობახიძისნაირ გამოცდილ და აუღელვებელ რესპოდენტს..
სხვათაშორის ირაკლი კობახიძემ შესთავაზა ძალაინ ბევრი საინტერსო რამ ხდება ჩვენს ქვეყანაში, გამოწვევები, საკითხები-ამაზე არ გინდა ვისაუბროთო? გაბუნიამ არა, რაღაც სკანდალს ვეძებ, ქვეყანა რაში მაინტერსებსო…
ერთი არც თუ უმნიშვნელო დეტალიც, ირაკლი კობახიძემ რამდენჯერმე ახსენა „პარლამენტზე შტურმი“ და ჰოი, საოცრებავ ერთხელაც კი არ გააპროტესტა გიორგი გაბუნიამ, აღარაფერს ვამბობ არჩევნების ლეგიტიმაციაზე, როგორც ჩანს ან იცოდა ამ საკითხებზე დავა ირაკლი კობახიძესთან ძალიან წამგებიანი იქნებოდა, ან მარტივად-იციან რომ შტურმიც იყო და არჩევნებიც არ გაყალბებულა.
კიდევ ერთი აუცილებელი დეტალი: მე პირადად ყურს მჭრის, როდესაც მედიის ან მედიად წოდებულის წარმომადგენლები- სახელით, ყოველგვარი ბატონო-ს გარეშე, რომ მიმართავენ რესპონდენტს.. რაც არ უნდა შენი ახლობელი ან მეგობარი იყოს (რამდენადაც ვიცი გაბუნია და კობახიძე მეგობრები არ არიან!), ან მიმართვის ეს ფორმა როგორ მოგწონთ: როგორ ხართ? ნაცვლად როგორ ბრძანდებით.. და ასე შემდეგ.
საბოოლოდ კი ასე ჩანს, ხელისუფლება ე.წ. ოპოარხებზე ახალ მაყურებელს და მსმენელს შეიძენს, რომელიც ნელ-ნელა, მაგრამ ოპოზიციასა და ხელისუფლებას შორის სხვაობასაც მიხვდება, ოპოზიციის დაპირებებისა და ცრუ მოლოდინების ნაცვლად, იმასაც ნახავს თუ როგორ წყნარად და აუღელვებლად აპირებს ხელისუფლება საქმის კეთებას!
ასევე, ძალიან საინტერსო იქნება ოპოზიციის წარმომადგენლების მოსმენა სხვა არხებზე: გაუძლებენ კი წამყვანების მწვავე კითხვებს თუ იქაც იკივლებენ და იყვირებენ, როგორც ჩვევიათ, კითხვები კი დარწმუნებული ვარ ბევრი, ძალიან ბევრი იქნება….” – წერს ნიკოლეიშვილი