ნუნუკა ჯეირანაშვილს საზოგადოების დახმარება სჭირდება. ქალბატონი რომელიც ახლა მძიმე სენს ებრძვის, საკუთარი სამშობლოს სამსახურში მრავალი წელი იყო, ამის შესახებ სოციალურ ქსელში ნინო ქინქლაძე-ჭიღიტაშვილი წერს.
“ჩვენი ნუნუკა Nunu Jeiranashvili კვლავ საავადმყოფოშია…ვერა და ვეღარ იჯანმრთელა ჩვენმა სნაიპერამ კოვიდის მერე…
ნუნუ ნიუ ჰოსპიტალიდან პროტესტით წამოვიდა, ისე , როგორც მე საპატრიარქოს საავადმყოფოდან, ნუნუსაც არ მიხედეს, ნუნუც არ დააფასეს…კი მაგრამ ვინ ხარ, რას წარმოადგენო , ჰკითხეს და ნუნუს არც თავისი წარსული მოუყოლია, არც ის რომ უამრავჯერ დაჭრილა ტერიტორიული მთლიანობისათვის ბრძოლაში, უამრავჯერ დაუღვრია სისხლი იმისათვის, რომ საქართველოში იყოს მშვიდობა , რომ ნუნუს და მისთანა გულანთებულ ქართველებზე დგას დღეს საქართველოს სიმშვიდე და სტაბილურობა!
არც მოჰყვებოდა, თავმდაბლობა და უბრალოება არ მისცემდა ამის ნებას…
მინდა, მივმართო თხოვნით საქართველოს მთავრობას , თავდაცვის სამინისტროს, რომ ეს შესანიშნავი ადამიანი სახელმწიფომ დააფასოს ჯეროვნად…
მე მჯერა, რომ სულ მალე ნუნუ ისე დაფასდება, როგორც ჩვენი ქვეყნის ტერიტორიული მთლიანობისათვის ბრძოლაში უამრავჯერ სისხლ და ცრემლდანთხეული ქალი _მეომარი, ქალი_ პილკოვნიკი, ქალი_ სნაიპერი იმსახურებს!
P.S.ნუნუ კი კვლავ საავადმყოფოშია, ეხლა უკვე ბოჭორიშვილში…
ვერა და ვეღარ იჯანმრთელა ჩვენმა მეგობარმა სნაიპერამ მზაკვარი კოვიდის შეხვედრის მერე….
ღმერთმა გამოაჯანმრთელოს ჩვენი საამაყო მეგობარი!”