ევროპარლამენტის ლგბტქ საკითხებზე მომუშავე ჯგუფის წევრი პარლამენტარები საქართველოს სთხოვენ, დაიცვას ღირსების მარში და უზრუნველყოს ასოცირების ხელშეკრულებით აღებული ვალდებულებების დაცვა.
ადრესატი წერილისა, რომელსაც 30 პარლამენტარი აწერს ხელს, შინაგან საქმეთა მინისტრი, ვახტანგ გომელაურია.
“1-დან 5 ივლისის ჩათვლით, თბილისში იგეგმება ღირსების მარშის გამართვა. პრაიდის ფარგლებში დაგეგმილია 3 ძირითადი აქტივობა: დოკუმენტური ფილმის პრემიერა (1 ივლისი), პრაიდის ფესტივალი ადგილობრივი და საერთაშორისო არტისტების მონაწილეობით (3 ივლისი) და ღირსების მარში (5 ივლისი), რაც არის მთავარი აქტივობა ამ კვირეულის.
პრაიდი არის მშვიდობიანი ინსტრუმენტი უფლებების ადვოკატირებისთვის, რომელიც დაცულია მშვიდობიანი დემონსტრაციისა და გამოხატვის თავისუფლების უფლებით. ეს არის მნიშვნელოვანი ლგბტქი აქტივისტებისა და თემის წევრბეისთვის, მათი ხილვადობის გასაზრდელად, საზოგადოებისთვის ხმის მისაწვდენად. ისეთი განცხადებები, როგორიც გააკეთა ქართული ოცნების თავმჯდომარემ, ირაკლი კობახიძემ, კონტროვერსულია უნივერსალური უფლებების რეალიზებისთვის”, – ნათქვამია წერილში, სადაც ევროპარლამენტები გამოთქვამენ იმედს, რომ საქართველოს ხელისუფლება შეძლებს ქმედითი ღონისძიებების გატარებას და პრაიდის დაცვას.
ირაკლი კობახიძემ 18 ივნისს “TV პირველის” ეთერში “პრაიდ კვირეულის” წინააღმდეგ ღიად ისაუბრა და თქვა, რომ პრაიდს უარი უნდა ეთქვას სრული კონტექსტის გათვალისწინებით.
ჩვენ ვნახეთ, რომ წინა წლებში ჰომოფობიურად და ტრანსფობიურად განწყობილმა ჯგუფებმა მსგავსი აღნიშვნები თავისი სიძულვილის გამოსახატად გამოიყენეს და თავს დაესხნენ მშვიდობიან ლგბტქ დემონსტრანტებს. აქედან გამომდინარეც, გადამწყვეტია, რომ ადამიანის უფლებათა ევროპული კონვენციისა და საქართველოსა და ევროკავშირს შორის ასოცირების ხელშეკრულების შესაბამისად, საქართველოს ხელისუფლებამ უზრუნველყოს პოლიციის საკმარისი და ეფექტური დაცვა. LGBTIQ თანასწორობის სტრატეგიის, კერძოდ მისი მეოთხე თავის გათვალისწინებით, ევროკავშირმა უნდა გააგრძელოს მისი ურთიერთობების გაძლიერება ლგბტქი საკითხებზე.
ევროპარლამენტმა საქართველოსთან ევროკავშირის ასოცირების ხელშეკრულების იმპლემენტაციის შესახებ მოხსენებაში აღნიშნა შემდეგი:
“მიესალმება საქართველოს შინაგან საქმეთა სამინისტროს ადამიანის უფლებათა დეპარტამენტის მუშაობას და აცხადებს, რომ ადამიანის უფლებათა დაცვისა და ანტიდისკრიმინაციული კანონმდებლობა საფუძვლიანად და ეფექტურად უნდა იქნას გამოყენებული; მოუწოდებს, გადაიდგას შემდგომი ნაბიჯები ქალთა დისკრიმინაციის, ლგბტქ ადამიანების, ბოშების და რელიგიური უმცირესობების დისკრიმინაციის აღმოფხვრის კუთხით სოციალურ, ეკონომიკურ, ჯანდაცვის სფეროებში და გაააქტიუროს ყველა უმცირესობისა და მოწყვლადი ჯგუფების მიმართ სიძულვილის ენისა და ძალადობრივი დანაშაულების გამოძიება; მოუწოდებს ყველა რელიგიურ თემს, მათ შორის საქართველოს მართლმადიდებელ ეკლესიას და სამოქალაქო საზოგადოებას, იმუშაონ ტოლერანტობის კლიმატის შესაქმნელად”.
მას შემდეგ საქართველომ საქართველომ გაიღო ძალისხმევა პოლიციის ოფიცრების დატრენინგებაში სიძულვილის დანაშაულისა და სიძულვილის ენის შესახებ, რამაც პოლიციის თანამშრომელთა ინფორმირებულობის, ცოდნისა და შესაძლებლობების გაუმჯობესება გამოიწვია. დარწმუნებული ვართ, რომ ეს ტრენინგები გამოიღებს შედეგს და მოხდება მომავალი სიამაყის ღონისძიებების სათანადო მხარდაჭერა”. – ნათქვამია ევროპარლამენტარების წერილში,
პრაიდის ორგანიზატორების პარალელურად მობილიზაციისთვის ემზადებიან საქართველოში არსებული პრორუსი, ძალადობრივი და ჰომოფობიური ჯგუფები – ისინი აპირებენ, ხელი შეუშალონ პრაიდის ჩატარებას.