წელს აბიტურიენტებს მთელი საგამოცდო პროცესის განმავლობაში პირბადის ტარება მოუწევთ, – ამის შესახებ შეფასებისა და გამოცდების ეროვნული ცენტრის ხელმძღვანელმა, სოფიო გორგოძემ ჟურნალისტებს ერთიან ეროვნულ გამოცდებთან დაკავშირებით განუცხადა.
მისი თქმით, გასული წლისგან განსხვავებით, წელს ორი სესია აქვთ: დილისა და შუადღის სესიები. დანარჩენი რეგულაციები კი იგივე რჩება.
„გასული წლისგან განსხვავებით, წელს აბიტურიენტებს მთელი საგამოცდო პროცესის განმავლობაში პირბადის ტარება მოუწევთ. გარდა ამისა, წელს გვაქვს ორი სესია: დილისა და შუადღის სესიები. დანარჩენი რეგულაციები იგივე რჩება. აბიტურიენტები თერმოსკრინინგს გაივლიან, დაიმუშავებენ ხელებს და დეზობარიერზე გაივლიან. ამის შემდეგ განთავსდებიან სექტორებში, სადაც არაუმეტეს 10 აბიტურიენტია განთავსებული. მერხები დისტანციითა განლაგებული და რა თქმა უნდა, თითოეული მერხის წინ ფარია დამონტაჟებული“, – განაცხადა გორგოძემ.
დღეიდან ერთიანი ეროვნული გამოცდები დაიწყო.