X Factor-ის გუშინდელი გადაცემა წარმოუდგენლად დაძაბული აღმოჩნდა. ჟიურის წევრებმა საუკეთესო ოთხეულები შეამცირეს და მათგან მხოლოდ ორი კონკურსანტი დატოვეს თავიანთ კატეგორიაში.
განსაკუთრებით დაძაბული აღმოჩნდა სოფო ნიჟარაძისა და გიორგი გაბუნიას კატეგორიის მონაწილის, ცირა კობიაშვილის დაპირისპირება, რამაც მაყურებელი ისევე გააოცა, როგორც თავად კონკურსანტი. სოფო ნიჟარაძემ ცირას უტრირებული და „ფეიკ“ მომღერალი უწოდა, რამაც ცირა ძალიან გააღიზიანა და გუშინ One Side-ში X Factor-ის ყურებისას ცირამ ემოციები ვერ შეიკავა და OK!-ს აღნიშნულთან დაკავშირებით ვრცელი კომენტარი მისცა:
„არ ვიცი, სოფოსთან დაკავშირებით რა უნდა ვთქვა, თავადაც შოკში ვარ. ვთვლი, რომ ალბათ, მას თავად აქვს ჩემთან რაიმე პიროვნული დისკომფორტი. არ ვიცი, როგორ უნდა ვთქვა… ალბათ, უბრალოდ, არ მოვწონვარ. სიმართლე გითხრათ, ვერ ვხვდები ამის მიზეზს და ძალიან მიჭირს ამ ყველაფერზე პასუხის გაცემა. სოფოს ჩემს მიმართ თავიდანვე ცუდი დამოკიდებულება ჰქონდა – განსაკუთრებით კი, ოთხის სკამის ტურიდან. ეს ყველაფერი ჩემთვისაც ძალიან მოულოდნელია. ვერ ვხვდები მის ასეთ დამოკიდებულებას, რატომ შეიძლება, რომ მან მე ასეთი სიტყვებით მომიხსენიოს. ძალიან ცუდი ჟესტია ადამიანისგან, როდესაც მილიონობით მაყურებლის წინაშე, მითუმეტეს, ისეთი ადამიანისგან, როგორიც ის არის, ახალგაზრდა დამწყები მომღერლის ასეთი დამცირება და ეს ყველაფერი, ალბათ, თვითონ ადამიანის პიროვნებაზე მიუთითებს.
როდესაც ეკრანიდან ვისმენდი, როგორ მიწოდებდა უტრირებულ და „ფეიკ“ გოგოს, ჩემი რეაქცია იყო ის, რომ უბრალოდ ვერ მიტანს და აქ ყველაფერი დამთავრებულია. მიზეზი, არ ვიცი, რა შეიძლება იყოს, მხოლოდ მას აქვს ჩემს მიმართ ასეთი საზიზღარი დამოკიდებულება და ძალიან მეშინია, რომ ჩემი შემდგომი გამოსვლები როგორი კარგიც არ უნდა იყოს, მისი ეს დამოკიდებულება არ შეიცვლება და ამას ძალიან განვიცდი.
შეიძლება სოფოს ჩემი ეშინია, იმიტომ ვძულვარ, ამ ყველაფერს იმიტომ ამბობს, რომ მისი კატეგორიიდან ერთ-ერთი მონაწილის პირდაპირი კონკურენტი ვარ – მხედველობაში მყავს გიგი ადამაშვილი და სოფოს თავისი ამ არაჯანსაღი კომენტარებით სურს დამაკარგინოს გულშემატკივრები, მაგრამ მე ჩემი მხარდამჭერების იმედი მაქვს. ზოგადად, საჯაროდ ასეთი კომენტარები და შეურაცხყოფა ძალიან მოქმედებს ჩემზე.
ჩემს გულშემატკივრებს ვთხოვ, რომ სწორედ ამ მხრიდან უფრო აქტიურად დამიდგნენ გვერდში და არ მისცენ საშუალება ჩემს არაკეთილმოსურნეებს, რომ დამჩაგრონ.
რაც შეეხება სოფოს, ვეტყოდი, რომ წარმოიდგინოს თავი ჩემს ადგილას, 19 წლის გოგოს ადგილას, რომელიც პირველად დგას ამხელა სცენაზე და აქვს ძალიან მძიმე წარსული. ჩემი რჩევა იქნება სოფოსადმი, რომ ცოტა უფრო კორექტული იყოს, რადგან მე არ ვარ დიდი ქალი და მე არ მაქვს ძალა მას დავუპირისპირდე. მე, როგორც დამწყებ მომღერალს, პირიქით, რჩევებს უნდა მაძლევდეს და მილიონობით მაყურებლის წინაშე არ უნდა მლანძღავდეს“, – განაცხადა ცირა კობიაშვილმა.
www.okmagazine.ge