Stopcov.lotto.ge-ზე ვაქცინაციის წამახალისებელი ლატარიის მეორე ყოველკვირეული გათამაშების შედეგები გამოქვეყნდა.
როგორც ვებგვერდზეა მითითებული, 10 ათასი ლარი მოიგო პიროვნებამ, რომლის ინიციალებიცაა დ.ქ. ის თბილისში, „სინოფარმით“ აიცრა.
ამასთან, ყოველკვირეულ გათამაშებაში, სამმა ადამიანმა მოიგო 5000-5000 ლარი, ოთხმა ვაქცინირებულმა – 1500-1500 ლარი, ცხრა ადამიანს კი 1000-1000 ლარი ერგო.
STOPCOVID – ლატარია „აიცერი და მოიგე“ იმართება საქართველოს მთავრობის ინიციატივით, ვაქცინაციის პროცესის სტიმულირების მიზნით. ლატარია დაიწყო 13 სექტემბერს, ხოლო პირველი გათამაშება 14 სექტემბერს შედგა. 27 დეკემბერს დასრულდება ყოველდღიური და ყოველკვირეული გათამაშება, ხოლო 31 დეკემბერს გაიმართება შემაჯამებელი გათამაშება.
გათამაშების დაწყებიდან დღემდე, 2 274 გამარჯვებული გამოვლინდა. მოგებული თანხის ჯამური მაჩვეებელი 360 400 ლარია.