პოლიტიკური პარტიები, მიხეილ სააკაშვილის მიერ გავრცელებულ ვიდეოებს აფასებენ, სადაც ის ამბობს, რომ ბათუმში იმყოფება.
პარლამენტის თავმჯდომარის მოადგილე, პოლიტიკური ჯგუფის ”მოქალაქეები” წევრი, ლევან იოსელიანი ამბობს, რომ თუ ეს ყველაფერი ტყუილი აღმოჩნდა და მიხეილ სააკაშვილი არ დაბრუნებულა საქართველოში, ეს იქნება “ნაციონალური მოძრაობისთვის” და ყოფილი პრეზიდენტისთვის, როგორც პოლიტიკოსისთვის დასასრული.
“მიხეილ სააკაშვილმა თავის საწადელს ფაქტიურად მაინც მიაღწია და დღის წესრიგი თვითმმართველობის არჩევნებიდან გადაიტანა მის სასარგებლოდ. არ გამიკვირდება არც საპირისპირო, რომ ეს ყველაფერი იყოს ტყუილი, იმიტომ, რომ მიხეილ სააკაშვილის მხრიდან ბევრი დაპირება გამიგია, რომელიც შემდეგ არ შესრულებულა. ეს ყველაფერი თუ აღმოჩნდა ტყუილი, ეს იქნება ჩემი აზრით ნამდვილად “ნაციონალური მოძრაობისთვის” და მისი, როგორც პოლიტიკოსისთვის დასასრული. იმიტომ, რომ ამაზე ცუდი რამ, ამაზე ბოროტება შენს მხარდამჭერებს არ შეიძლება გაუკეთო,“ – აცხადებს ლევან იოსელიანი.