სირიაში საქართველოს კიდევ ერთი მოქალაქე, პანკისის ხეობის სოფელ დუისში მცხოვრები, 24 წლის მუხმად ხანგოშვილი დაიღუპა. ამ ინფორმაციას პანკისის სათემო რადიო WAY ავრცელებს.
რადიოს ცნობით, ხანგოშვილი სირიაში 2013 წლის 13 სექტემბერს წავიდა და ტერორისტული ორგანიზაცია „ისლამური სახელმწიფოს“ რიგებში იბრძოდა.
„მუხმადი ე.წ. „ისლამური სახელმწიფოს“ წევრი იყო და მისი ერთ-ერთი ლიდერის თარხან ბათირაშვილის, იგივე აბუ ომარ ალ-შიშანის დაცვაში მსახურობდა. ხეობაში მისი დაღუპვის შესახებ დღეს გავიგეთ. ოჯახი სამძიმარს უკვე იღებს“, – უთხრა პანკისის სათემო რადიოს გარდაცვლილის ნათესავმა.
კომენტარები