მოხარული ვარ, რომ ევროკავშირი საქართველოში ერთ-ერთი ყველაზე სანდო ინსტიტუცია და სასურველი პარტნიორია, – ასე გამოეხმაურა საქართველოში ევროკავშირის ელჩი კარლ ჰარცელი ევროპის ფონდის მიერ ჩატარებული კვლევის შედეგებს, რომლის მიხედვითაც, საქართველოს მოქალაქეების 50 პროცენტი ევროკავშირის ენდობა. ამ მაჩვენებლით ევროკავშირი ჩამორჩება მხოლოდ არმიას და რელიგიურ ინსტიტუტებს.
ამავე კვლევის მიხედვით, საქართველოს მოქალაქეების 77 პროცენტი მხარს დაუჭერდა საქართველოს ევროკავშირში გაწევრიანებას. გამოკითხულთა 28 პროცენტს მიაჩნია, რომ საქართველო ევროკავშირის წევრი შეიძლება გახდეს მომდევნო ხუთ წელიწადში.
„მოხარული ვარ, რომ ევროკავშირი საქართველოში ერთ-ერთი ყველაზე სანდო ინსტიტუცია და სასურველი პარტნიორია. მოსახლეობის ევროპული მისწრაფებები ისე ძლიერია, როგორც არასდროს“, – წერს კარლ ჰარცელი „ტვიტერის“ გვერდზე.