სოციალურ ქსელში გამოჩნდა ე. წ “ივენთი” ანუ ღონისძიება, რომელიც მოუწოდებს საზოგადოებას, დღეს, 19:00 საათზე შეურეთდეს ღონისძიებას “გადაიყვანეთ ირაკლი კობახიძე”.
აღნიშნული ღონისძიების ორგანიზატორი არის მარიამ გეგუჩაძე. კომენტარების მიხედვით ირკვევა, რომ ირაკლი კობახიძის გადაყვანას ითხოვენ სადმე შორს, მაგალითად ფსიქიატრიულ საავადმყოფოში. ღონისძიების აღწერილობაში კი ვკითხულობთ:
“სამოქალაქო საზოგადოება ვითხოვთ, შეიქმნას კონსილიუმი, შეფასდეს კობახიძის მდგომარეობა.
რის შემდეგაც ის გადაყვანილი უნდა იყოს, შესაბამის დაწესებულებაში. ან უბრალოდ სადმე – ჩვენგან შორს შეგიძლიათ წაიყვანოთ.”
“აიპრესისთვის” ძალიან საინტერესო აღმოჩნდა, ამ ღონისძიებით საქართველოს სახალხო დამცველის, ნინო ლომჯარიას დაინტერესება, რადგან კომენტარები, რომელსაც ამ “ივენთის” ქვეშ ვკითხულობთ, ნამდვილად არ არის ისეთი შინაარსის, რაც სახალხო დამცველისთვის მისაღები უნდა ყოფილიყო.
ამიტომ გადავწყვიტეთ, მიგვემართა ომბუდსმენის ოფისისთვის და გვეკითხა ქალბატონი ნინოსთვის, ნამდვილად აპირებს თუ არა ამ შინაარსის ღონისძიებას შეუერთდეს.
კითხვები გახლდათ შემდეგი შინაარსის:
1. საქართველოს სახალხო დამცველი უერთდება ირაკლი კობახიძის ფსიქიატრიულში გადაყვანის ღობისძიებას?
2.შესაბამის დაწესებულებაში გადაყვანას როდესაც წერენ, გულისხმობენ ფსიქიატრიულს, ეს ჩანს კიდეც ღონისძიების კომენტარებში და მაქვს კითხვა: ნინო ლომჯარია ამ მოთხოვნას უერთდება? თუ არა, მაშინ სად გადაყვანას უერთდება?
