თუ ევროპა არ იქნება გაბედული, რუსეთი კრიზისების გამოწვევას არასდროს შეწყვეტს – იქნება ეს უკრაინა, საქართველო თუ სხვა ქვეყნები, – ამის შესახებ საპარლამენტო უმრავლესობის წევრმა გიორგი ხელაშვილმა სტრასბურგში განაცხადა, სადაც ქართული საპარლამენტო დელეგაცია შეხვედრებს მართავს.
„მიზანიც არის ის, რომ აღმოსავლეთ პარტნიორობის სამიტზე, საქართველომ მიიღოს მაქსიმალური მხარდაჭერა, რათა ჩვენი სვლა ევროპისკენ დაჩქარდეს. ეს იქნება ძალიან მკვეთრი სიგნალი რუსეთისთვის, რომ რუსეთის შანტაჟი ჩვენ ქვეყანას და აღმოსავლეთ პარტნიორობის ქვეყნებზე არ გაჭრის.
ევროპა უნდა იყოს არა მარტო გაბედული, არამედ თანმიმდევრულიც. ევროსკეპტიციზმი, რომელიც არსებობს, არამარტო საქართველოს, არამედ ზოგადად, გაფართოების მიმართ, უნდა დაიძლიოს. თუ ევროპა არ იქნება გაბედული, რუსეთი კრიზისების გამოწვევას არასდროს შეწყვეტს – იქნება ეს უკრაინა, საქართველო თუ სხვა ქვეყნები“, – განაცხადა ხელაშვილმა.
ქართული საპარლამენტო დელეგაცია ევროპარლანტში შეხვედრებს მართავს.