“ახლა პარლამენტისა და პლენარული სხდომების ბოიკოტის დრო არ არის”

პარლამენტის ბოიკოტის და პლენარული სხდომების ბოიკოტის დრო არ არის, – ამის შესახებ ევროპარლამენტარმა, მარინა კალიურანდმა განაცხადა.

„ჩვენი რჩევაა, „ქართული ოცნებამ“ ყველა ოპოზიციურ პარტიასთან იმუშაოს, რომლებიც მზად არიან თანამშრომლობისთვის. დიალოგი აუცილებელია. ახლა, საქართველოსთვის მნიშვნელოვანი საკითხების გადაჭრაზე მსჯელობის დროა. ეს არის ევროპული და ევროინტეგრაციის დღის წესრიგი, ეკონომიკა, სოციალური საკითხები, პანდემია, კორონავირუსის გამო შექმნილი უამრავი პრობლემა“, – განაცხადა მარინა კალიურანდმა.

საქართველოს საპარლამენტო დელეგაცია სტრასბურგში იმყოფება და ევროპარლამენტში შეხვედრებს მართავს.