სააკაშვილს ძალიან უნდოდა პუტინთან გვერდიგვერდ ყოფნა. მან მითხრა, პუტინს გადაეცი, რომ ელჩი არ გვინდა და მისი წარმომადგენელი აქ, პრეზიდენტის კაბინეტის გვერდით ოთახში იჯდებაო, – ამის შესახებ უკრაინელ ჟურნალისტ, დიმიტრი გორდონთან ინტერვიუში რუსმა ტელეწამყვანმა და ჟურნალისტმა ანდრეი კარაულოვმა განაცხადა.
„თავისი პრეზიდენტად არჩევიდან მე-8 თუ მე-9 დღეს სააკაშვილმა ჩემთან ისაუბრა. ის მაგიდიდანაც კი წამოხტა და საკმაოდ იმპულსური იყო. თავიდან საღად მოაზროვნედ მეჩვენებოდა – ჰალსტუხის ჭამის ეპიზოდი ჯერ კიდევ შორის იყო, შემდეგ გაგიჟდა, რა თქმა უნდა. გამომათრია და მითხრა: „ხედავ ამ ოთახებს? გადაეცი პუტინს, რომ არ გვინდა ელჩი, აქ იჯდება პუტინის წარმომადგენელი, საქართველოს პრეზიდენტის კაბინეტის გვერდით ოთახში“. მას ძალიან უნდოდა გვერდიგვერდ ყოფნა. რა მოხდა შემდეგ, ეს თავად სააკაშვილს უნდა ვკითხოთ, ან ჩვენებს, ვისაც ღირსება აქვს. ჩვენ ისე კარგად მოვახერხეთ სააკაშვილის გადაგდება… სააკაშვილი ციხიდან ვერ გამოვა, დღესდღეობით სააკაშვილი ჩემთვის საერთოდ უცხო, სულელი, ავადმყოფი ადამიანია“, – ამბობს ანდრეი კარაულოვი.