უკრაინის პრეზიდენტმა, ვლადიმირ ზელენსკიმ განაცხადა, რომ სურს მკაფიოდ გაიგოს, თუ რა პერსპექტივები აქვს უკრაინას ნატოში გაწევრიანებასთან დაკავშირებით.
„კონკრეტიკა გვჭირდება. ანუ, გვითხარით მიზეზები. ნატოში არ ვართ? გვითხარით, რომ ნატოში არ ვართ. ღიად გვითხარით, რომ ნატოში არასდროს ვიქნებით. რატომ გვესაუბრებით მომავალზე? რისკები აწმყოში გვაქვს“, – აღნიშნა ვოლოდიმირ ზელენსკიმ.
უკრაინის ლიდერმა ხაზგასმით აღნიშნა, რომ უკრაინის ნატოში გაწევრიანების საკითხი უკრაინაზე დამოკიდებული არ არის.
„თუ უკრაინას ნატოში აიყვანენ და მერე რამე მოხდება, უკრაინის დაცვა გახდება საჭირო. ეს ნატოსთვის სერიოზული გამოწვევებია. თუმცა, მინდა ვთქვა, რომ ზოგიერთი ევროპული სახელმწიფო ასე მსჯელობს და არ სურთ რისკზე წასვლა და უკრაინის მიღება. თუმცა, ფართომასშტაბური ომის შემთხვევაში, ეს ომი ნატოს ზოგიერთი წევრი სახელმწიფოს საზღვრებთანაც იქნება“, – განაცხადა ვლადიმირ ზელენსკიმ.