”ძალიან მარტივი საპროგნოზო იყო რუსეთ-უკრაინის ომის გავლენა მსოფლიოში საკვები პროდუქტების ფასების ზრდაზე”,- ამის შესახებ ექსპერტი ოთარ ანგურიძე სოციალურ ქსელში წერს.
“განსაკუთრებით კი, ხორბლეულზე და ენერგეტიკულ წყაროებზე. განსაკუთრებით აღსანიშნავია, რომ ხორბლის მსოფლიო წარმოების თითქმის მეოთხედი მოდის რუსეთსა და უკრაინაზე ერთად, და ამ ორ მსხვილი მწარმოებელი ქვეყნების საომარი მოქმედება ავტომატურად გამოიწვევდა ფასების ზრდას, რადგან საომარი მოქმედებების დროს მსგავსი პროდუქტების ექსპორტი იზღუდება და ამას ერთვის ის ფაქტიც, რომ აგრო კალენდრისთვის უკრაინაში და რუსეთის ზოგიერთ რეგიონში ახლა არ სცალიათ… რაც შეეხება ენერგეტიკულ რესურსებს ევროპის დამოკიდებულება ძალიან მაღალია რუსეთზე. შესაბამისად, ომს და მით უფრო როცა ამას მოჰყვა სანქციები რუსეთის წინააღმდეგ ამან დიდად დააზარალა ევროპის მოსახლეობა, რადგან მყისიერად გამოიწვია ფასების ზრდა ყველა ენერგეტიკულ პროდუქტზე. ყოველდღიურად უფრო შესამჩნევია ევროპის ქვეყნებში ფასების ზრდა და მოსახლეობის პროტესტები. ბრიტანეთის შემთხვევაში ფასების ზრდის ბოლო 30 წლიანი მაქსიმუმი დაფიქსირდა, რამოდენიმე დღის წინ სატვირთო ავტომობილის მძღოლებმა გაფიცვა მოაწყვეს მადრიდსა და ბარსელონაში, გერმანიასა და საფრანგეთშიც ფასების ზრდის წინააღმდეგ გამოსვლებიც უფრო და უფრო მწვავდება. საქართველოს შემთხვევაში რუსეთზე და უკრაინაზე გაზსა და ელექტრო ენერგიაზე დამოკიდებულება არ გვაქვს და ამ მნიშვნელოვან პროდუქტზე ფასების ზრდის რისკი არ არსებობს. ეს არის გაყინული ომის შედეგები, რომელსაც ევროპის ორი უდიდესი სახელმწიფო აწარმოებს ერთმანეთის წინააღმდეგ. საქართველო პატარა ქვეყანაა და შესაბამისად, მსოფლიო ფასების ზრდის გავლენა ჩვენს ეკონომიკაზეც აისახებოდა. სამწუხაროდ, ქვეყნის შიგნითაც და გარეთაც ბევრი ცდილობს, რომ რამენაირად საქართველოც ჩაებას რუსეთთან იმ კონფლიქტში რომელიც ჩვენ ისედაც გვაქვს. არსებულ გეოპოლიტიკურ სიტუაციაში, როგორშიც ახლა ვიმყოფებით დაძაბულობა დამატებითი ხელოვნური მუხტების შექმნა ქვეყნის შიგნით არის იმ ხაზის გაგრძელება, რომლებსაც საქართველო-რუსეთის ომი არ გამოსდით”,- წერს ანგურიძე.