გერმანიის კანცლერი ფრიდრიხ მერცი აცხადებს, რომ პარტნიორების ნაწილის პოზიციის მიუხედავად, გერმანია პალესტინის სახელმწიფოებრიობის ცნობას არ გეგმავს.
კანცლერი ამბობს, რომ გერმანია არ შეუერთდება პალესტინის აღიარების ინიციატივას, რადგან ამის პირობები ჯერ შექმნილი არ არის.
„ფედერალური მთავრობის პოზიცია პალესტინის სახელმწიფოს აღიარებასთან დაკავშირებით ნათელია… კანადამ ეს იცის. ჩვენ ამ ინიციატივას არ შევუერთდებით. ჩვენ პირობების შესრულებას ჯერ ვერ ვხედავთ“, – განაცხადა მერცმა კანადის პრემიერ-მინისტრთან მარკ კარნისთან ერთობლივ პრესკონფერენციაზე.
ცნობისთვის, ცოტა ხნის წინ რამდენიმე დასავლურმა სახელმწიფომ, მათ შორის დიდმა ბრიტანეთმა, საფრანგეთმა და კანადამ განაცხადეს, რომ პალესტინის აღიარებას გაეროს მომავალ სხდომაზე გეგმავენ.
კომენტარები