ირაკლი კობახიძე – მნიშვნელოვანი წვლილი შევიტანე იმ წარმატებაში, რასაც ჰქვია “ქართული ოცნების” წარმატება

“კიდევ ერთხელ გავიმეორებ, მე მნიშვნელოვანი წვლილი შევიტანე იმ წარმატებაში, რასაც ჰქვია “ქართული ოცნების” წარმატება”, – ამის შესახებ პარლამენტის თავმჯდომარემ ირაკლი კობახიძემ ტელეკომპანია “რუსთავი 2”-ის გადაცემა “არჩევანში” განაცხადა.
“უკვე 2 წელია მიკავია აღმასრულებელი მდივნის თანამდებობა “ქართულ ოცნებაში”, თქვენ გახსოვთ, როცა დავინიშნე ამ პოსტზე იყო გარკვეული სკეპტიკური კომენტარები სხვადასხვა ექსპერეტებისა და პოლიტიკოსების მხრიდან. თუმცა, რეალურად ამ 2 წლის განმავლობაში შევძელი იმის დამტკიცება, რომ პოლიტიკურ პროცესებში შემიძლია დადებითი წვლილის შეტანა. მარტივად ვიტყვი, ამ ორი წლის განმავლობაში მე ვიყავი ერთ-ერთი ავტორი და განმახორციელებელი იმ გეგმისა, რომლის საბოლოო შედეგი არის თვისობრივად განახლებული “ქართული ოცნება”. ამ ცვლილებას დღეს ყველა ხედავს, ამ გეგმის შედეგია ჩვენი დამაჯერებელი გამარჯვება და 115 მანდატი საქართველოს პარლამენტში. კიდევ ერთხელ გავიმეორებ, მე მნიშვნელოვანი წვლილი შევიტანე იმ წარმატებაში, რასაც ჰქვია “ქართული ოცნების” წარმატება”, – განაცხადა ირაკლი კობახიძე.