ბანკნოტების საერთაშორისო საზოგადოებამ (IBNS) 2016 წლის საუკეთესო კუპიურის კონკურსი გამოაცხადა. წარდგენილ კუპიურებს შორის, ქართული 50-ლარიანიც მოხვდა.
ამის შესახებ ინფორმაციას Bloomberg ავრცელებს, რომელშიც კუპიურის ისტორიის მოკლე მიმოხილვაცაა მოყვანილი.
კონკურსის დანარჩენი მონაწილეები შვეიცარული 50 ფრანკის კუპიურა, ავსტრალიური 5-დოლარიანი კუპიურა, ბრიტანული 5 გირვანქა სტერლინგის კუპიურა, ახალი ზელანდიის 50-დოლარიანი კუპიურა, შოტლანდიის 5 გირვანქა სტერლინგის კუპიურა და მალდივის კუნძულების 1 000 რუპიას კუპიურაა.
50-ლარიანი კუპიურის აღწერაში ნათქვამია, რომ მასზე თამარ მეფეა გამოსახული, რომელიც საქართველოში 1184-1213 წლებში მეფობდა. ეს პერიოდი კი, ცნობილია როგორც “საქართველოს ოქროს ხანა”.
კომენტარები