ირაკლი ალასანია მიიჩნევს, რომ პროკურატურის პირველი პირი სიცრუის ტირაჟირებას ეწევა, – ასე გამოეხმაურა ირაკლი ალასანია მთავარი პროკურორის ირაკლი შოთაძის გუშინ გაკეთებულ განცხადებებს.
„წელიწადნახევრის წინ, როცა ეს ხუთი უდანაშაულო ადამიანი დააკავეს და მაშინ რა განცხადებებიც გააკეთა პროკურატურამ ერთი ერთში უსაფუძვლო ბრალდების გაგრძელებაა გუშინდელი განცხადებები. ეს არის უკვე სიცრუის ტირაჟირება, რასაც პროკურატურის პირველი პირი ეწევა. საზოგადოებამ კარგად დაინახა, რომ ბრალი არ იქნა დადასტურებული. საერთაშორისო თანამეგობრობა ამას ხედავს და დარწმუნებული ვარ, უახლოეს დღეებში იქნება შეფასებები ამ საქმესთან დაკავშირებით. პროკურატურამ საქართველოს მართლმსაჯულების რეპუტაციას უდიდესი ზარალი მიაყენა. მე ვფიქრობ, რომ ეს არის სიცრუის ტირაჟირება“, – განაცხადა ირაკლი ალასანიამ.
