ჯაშუშობის ბრალდებით დაკავებული ფოტორეპორტიორები იმედს გამოთქვამენ, რომ მათი საქმის დამკვეთები პასუხისგებაში მიეცემიან. ე.წ ფოტოგრაფების საქმეზე დაკავებულმა ირაკლი გედენიძემ განაცხადა, რომ 2011 წელს ადგილი ჰქონდა შანტაჟსა და ზეწოლას:
„ფოტო, რომელიც ამოიღეს ჩხრეკის დროს ჩემი კომპიუტერიდან ჩემს მიერ იყო გადაღებული. ფოტოზე ჩემი მეუღლეა გადაღებული, სახლში, მინი სტუდიაში, იმ პერიოდში ჩემი ფოტოები იბეჭდებოდა გაზეთ პრაიმ-ტაიმში. ეს ფოტო იპოვეს და დაიწყეს ამ ფოტოთი შანტაჟი, რომ გავრცელდებოდა ფოტო სოციალურ მედიაში. ამან იმოქმედა ჩვენზე და იძულებული ვიყავით გვეღიარებინა ის, რაც გვაღიარებინეს. იყო მუქარა ჩემს შვილებზეც, მეუბნებოდნენ, რომ ოცოდნენ სად სწავლობდნენ ჩემი შვილები და დავფიქრებულიყავი მათ მომავალზე, რომ რამე პრობლემა არ შექმნოდათ. საქმის კურსში იყო ყველა ძალოვანი მინისტრი. სავარაუდოდ, ჩვენი ამბავი იცოდა მიხეილ სააკაშვილმაც“,– განაცხადა გედენიძემ.