კაცი არ იყო, რომელიც იქ შესული იყო და ნაცემი ან რაღაცნაირად დამცირებული არ იყო, არ მეგულება ადამიანი, რომელსაც რაღაც ერთი საშინელება მაინც არ აქვს ნანახი. მე პირადად ნანახი მაქვს ერთი ადამიანის მკვლელობა, ერთი ადამიანის დაინვალიდება და უამრავიკატაფალკა, – იხსენებს გადაცემაში „იმედის კვირა“ ყოფილი პოლიტპატიმარი ნიკა გოგუაძე „ნაციონალური მოძრაობის“ მმართველობის დროინდელ საპატიმროებში არსებულ ვითარებას.
ის იხსენებს, რომ კატაფალკა მისი ფანჯრების ქვეშ კვირაში რამდენჯერმე გადიოდა.
„ფეხებს ვხედავდი ძირითადად მკვდარი ადამიანების. რა თქმა უნდა, სისტემური იყო – როდესაც დავალება მიდის, რომ მოგეპყრონ ისე, როგორც გეპყრობოდნენ. მერე სახე იცვალეს უცბად?”, – ამბობს ნიკა გოგუაძე.
კიდევ ერთი ყოფილი პოლიტპატიმარი კი ახალგაზრდებს მოუწოდებს, იმ პერიოდის საპატიმროების შესახებ ამბები მაშინდელი პატიმრებისგან მოისმინონ.
ვინც ვიყავით იმ რეჟიმის ციხეებში, ჩვენს სანათესავოზე ვარ მოახდენენ მაგით ზეგავლენას, – განაცხადა „იმედის კვირასთან“ ყოფილმა პოლიტპატიმარმა მიშა ცილიკიშვილმა კამპანიის შეფასებისას, რომ „ნაციონალური მოძრაობის“ მმართველობის დროს საპატიმროებში პატიმრების წამება არ ხდებოდა.
„ზუსტად იმ ახალგაზრდა თაობაზე ახდენენ გავლენას და ურეცხავენ ტვინს, რომ ვითომ დადგმული იყო [ციხეში წამების კადრები], რომლებიც იმ პერიოდში 5-6 წლის იყვნენ, არ იცოდნენ და ახლა წამოიზარდნენ. რანაირად ახერხებენ ამ ტვინის გამორეცხვას? მოდით, ჩვენ დაგველაპარაკეთ, შვილებო, ჩვენ გეტყვით, ჩვენ მოგიყვებით, რეალობის შემსწრეები ვართ“, – ამბობს ყოფილი პოლიტპატიმარი.