აშშ-ის პრეზიდენტმა, ჯო ბაიდენმა განაცხადა, რომ მას ინფორმაცია მიაწოდეს უკრაინაში გაუჩინარებული სამი ამერიკელის შესახებ და ამერიკელებს დაჟინებით მოუწოდა, უკრაინაში არ გაემგზავრონ.
„ინფორმაცია მომაწოდეს. ჩვენ არ ვიცით სად არიან ისინი, მაგრამ მინდა გავიმეორო: ამერიკელები ახლა არ უნდა გაემგზავრონ უკრაინაში. კიდევ ერთხელ ვიტყვი: ამერიკელები ახლა უკრაინაში არ უნდა წავიდნენ“, – აღნიშნა ჯო ბაიდენმა.
„არსებობს ცნობები კიდევ ერთი ამერიკელის შესახებ, რომლის ადგილსამყოფელი უცნობია. მე არ შემიძლია ამ საქმის დეტალებზე საუბარი. სამწუხაროდ, ჩვენ არ ვიცით ამ საქმის დეტალები სრულად“, – განაცხადა სახელმწიფო დეპარტამენტის სპიკერმა.
კომენტარები