ვინ დარჩება საყოველთაო ჯანდაცვის გარეშე?

ცვლილების საყოველთაო ჯანდაცვაში. ნახევარი მილიონი მოქალაქე სავარაუდოდ სახელმწიფო დაზღვევის გარეშე დარჩება. ჯანდაცვის კომიტეტის თავმჯდომარის განმარტებით, ხარჯების ოპტიმიზაცია შედარებით მაღალ შემოსავლიანი ადამიანების ხარჯზე მოხდება.
„რა თქმა უნდა გამიჯნული უნდა იყოს. საყოველთაოში დაზღვეულები უნდა ღებულობდნენ სერვისებს საყოველთაო დაზღვევის და კერძო სადაზღვეო კომპანიებში დაზღვეულები უნდა ღებულობდნენ სერვისებს უკვე ამ კომპანიების მხრიდან. როდესაც ისინი პაკეტს იძენენ იქ არ უდნა იყოს გათვალისწინებული, რომ გადაუდებელი შემთხვევა უნდა გაუშვან საყოველთაოში და დანარჩენს დააფინანსებენ. ეს გამიჯვნა აუცილებლად მოხდება,“-განაცხადა ჯანდაცვის მინისტრის მოადგილე ვალერი კვარაცხელიამ.
განმარტებები გააკეთა პარლამენტის ჯანდაცვის კომიტეტის თავმჯდომარემ. აკაკი ზოიძე აცხადებს, რომ საყოველთაო დაზღვევა კატეგორიებად დაიყოფა და ის შეძლებულ ფენას არ შეეხება.
„მოქალაქეებს, რომელთაც აქვთ გარკვეულზე მეტი შემოსავლები, ექნებათ მხოლოდ კერძო დაზღვევა. გარკვეული ფენის მოქალაქეებს, რომლებიც არც ძალიან ღარიბები არიან და არც ძალიან შეძლებული, მათ დაჭირდებათ მაინც შემავსებელი კერძო დაზღვევა. ექნებათ შედარებით შემცირებული საყოველთაო დაზღვევის პაკეტი და იმავდროულად გაფართოებული სადაზღვეო პაკეტი ექნებათ მედიკამენტებით ჩვენს ყველაზე მეტად მოწყვლად ფენებს,“-განაცხადა აკაკი ზოიძემ.