ზაპოროჟიეში, დროებით ოკუპირებულ ქალაქ მელიტოპოლში, თვითგამოცხადებული ხელისუფლება ე.წ. რეფერენდუმის ჩასატარებლად ემზადება. ისინი აგიტატორებს 50 000 რუბლამდე თანხას სთავაზობენ, თუმცა, ხალხი ამაზე უარს ამბობს, – წერს უკრაინული მედია ქალაქის მერის განცხადებაზე დაყრდნობით.
„რაც შეეხება ფსევდორეფერენდუმს, ახლა დროებით ოკუპირებული ზაპოროჟიეს რეგიონის ტერიტორიაზე დიდი პრობლემებია. ოკუპანტებს პრობლემები აქვთ, რადგან მათ რეფერენდუმის ჩატარება არ შეუძლიათ. პირველი გამოკითხვის შემდეგ აღმოჩნდა, რომ ადგილობრივების 10%-ზე ნაკლები უჭერს რუსეთს მხარს. უფრო მეტიც, არავის სურს ოკუპანტებისთვის მუშაობა, ფულის სანაცვლოდაც კი. ისინი გვთავაზობენ 20,000-დან 50,000 რუბლამდე, რაც დაახლოებით 25,000 გრივნაა“, – წერს ივან ფედოროვი.
კომენტარები