რუსეთმა ბირთვული იარაღის კონტროლთან დაკავშირებით აშშ-სთან მოლაპარაკებები გადადო. ამის შესახებ ინფორმაციას „სიენენი“ აშშ-ის სახელმწიფო დეპარტამენტზე დაყრდნობით ავრცელებს.
ეგვიპტეში მოლაპარაკებები დღეს უნდა დაწყებულიყო. აშშ-სა და რუსეთს უნდა მოეწვიათ ორმხრივი საკონსულტაციო კომისიის სხდომა კაიროში, რათა სამშაბათს, 29 ნოემბერს ახალი START შეთანხმების იმპლემენტაცია განეხილათ.
„რუსულმა მხარემ შეატყობინა აშშ-ს, რომ რუსეთმა ცალმხრივად გადადო შეხვედრა და განაცხადა, რომ ახალ თარიღს შემოგვთავაზებს“, – ნათქვამია სახელმწიფო დეპარტამენტის პრესსპიკერის განცხადებაში.
ამასთან, როგორც აშშ-ის სახელმწიფო დეპარტამენტში აცახდებენ, აშშ მზად არის მოლაპარაკებების გადავადებისთვის.
„აშშ მზად არის გადავადებისთვის, უახლოეს შესაძლო თარიღზე, რამდენადაც ინსპექციის განახლება პრიორიტეტს წარმოადგენს შეთანხმების, როგორც სტაბილურობის ინსტრუმენტის შესანარჩუნებლად“, – აღნიშნავენ სახელმწიფო დეპარტამენტში.