“ცენტრი “ემპათია“ ჩამოყალიბდა მხარედ და ვერანაირად ვერ იქნება მათი პოზიცია ობიექტურად მიჩნეული”

ცენტრი „ემპათია“ ჩამოყალიბდა მხარედ და ვერანაირად ვერ იქნება მათი პოზიცია ობიექტურად მიჩნეული, – ამის შესახებ საპარლამენტო უმრავლესობის წევრმა, გივი მიქანაძემ განაცხადა.

„ჩვენ არაერთხელ განვაცხადეთ, რომ ცენტრი „ემპათია“ ჩამოყალიბდა მხარედ და ვერანაირად ვერ იქნება მათი პოზიცია ობიექტურად მიჩნეული. ჩვენ არაერთხელ ვნახეთ მათი გარკვეული განცხადებები, თუმცა, ექსპერტიზების შემდეგაც მათი ამ განცხადებების სიცხადე არ დადასტურდა“,- აღნიშნა მიქანაძემ.

სახელისუფლებო პარტია ცენტრ „ემპათიის“ შეფასებას მიხეილ სააკაშვილის ჯანმრთელობის მდგომარეობის შესახებ კვლავ კითხვის ნიშნის ქვეშ აყენებს. საუბარია მარიამ ჯიშკარიანის იმ განცხადებაზე, რომლის მიხედვითაც პაციენტს შესაძლებელია განუვითარდეს კომა და მდგომარეობა ყოველდღიურად დამძიმდეს.