ჩემი ტელეფონი აქვს ბატონ ლევანს. დამირეკოს, ნებისმიერ ადგილას შევხვდები და დაველაპარაკები კაცურად, – ამის შესახებ ნიკა მელიას მამამ, ანზორ მელიამ ჟურნალისტებს ლევან ხაბეიშვილზე საუბრისას განუცხადა.
მისი თქმით, სატელეფონო ზარს ელოდება, რომლის დროსაც მზადაა, დაარწმუნოს ლევან ხაბეიშვილი, თუ რატომაა იგი მოღალატე.
„ჩემი ტელეფონი აქვს ბატონ ლევანს. დამირეკოს, ნებისმიერ ადგილას შევხვდები და დაველაპარაკები კაცურად. მე ექიმი ვარ და საექიმო შეკითხვები დამისვით“, – განაცხადა ანზორ მელიამ.
ჟურნალისტის კითხვაზე, არსებობდა თუ არა პოლიტიკური გარიგება, თანხის სანაცვლოდ სიაში შეყვანის, ნიკა მელიას მამამ განაცხადა, რომ მოვა დრო და ყველაფერს იტყვის.
„ნაციონალურ მოძრაობაში“ კლანებს შორის დაპირისპირება და ერთმანეთის მხილება გრძელდება. ნიკა მელიას წინააღმდეგ განცხადება ამჯერად დიმიტრი შაშკინმა გააკეთა. შაშკინის თქმით, მელიას ფინანსურად მამუკა ხაზარაძე ეხმარება და მის გამარჯვებას სოციალურ ქსელში პარტია „ლელო“ ლობირებს.
ნიკა მელიას კლანი დიმიტრი შაშკინის ბრალდებებს აბსურდს უწოდებს. აცხადებენ, რომ მსგავსი განცხადებები მიუღებელია. ლევან ხაბეიშვილის მხარე კი მელია-ხაზარაძის გარიგების შესახებ, დამატებით დეტალებზე არ საუბრობს.