ლევან დავითაშვილმა დავოსის ეკონომიკური ფორუმზე საქართველოს პრემიერი-მინისტრის გამოსვლა შეაფასა. ვიცე-პრემიერმა აღნიშნა, რომ ირაკლი ღარიბაშვილის პანელი ძალიან საინტერესო იყო და მის გამოსვლას დიდი გამოხმაურება მოგყვა.
„მსოფლიო ეკონომიკურ ფორუმზე ლიდერებმა თქვენს, რომ საქართველოს მეგობრული ურთიერთობა ერთ-ერთი წინაპირობაა რის გამოც შეიძლება წარმოვიდგინოთ რომ შუა დერეფანი (უკვე ცენტრალურ დერეფანს ვეძახით) გახდება ეფექტური, კონკურენტუნარიანი და კიდევ უფრო მიმზიდველი.
გეოპოლიტიკურმა ვითარებამ მიმზიდველობა და ინტერესი შუა დერეფნის მიმართ მნიშვნელოვნად გაზარდა. საქართველოს აქტიური მონაწილეობით შუა დერეფანი იქნება ცენტრალური ფუნქციის მქონე აზიისა და ევროპის დაკავშირების კუთხით.
პრემიერის პანელი იყო ძალიან საინტერესო. ირაკლი ღარიბაშვილის გამოსვლას დიდი გამოხმაურება ჰქონდა. იყო ზუსტი და სწორი გზავნილები, რასაც საერთაშორისო საზოგადოება ელოდა. გზავნილები, რომელიც დამატებით კომფორტს უქმნის ინვესტორებს, ნამდვილად გაისმა ამ დავოსიდან.
კონკრეტული ეკონომიკური წარმატებები, ხელს უწყობს მშვიდობასა და სტაბილურობას, პრემიერიც ამას გულისხმობდა. ვფიქრობ, ლიდერების მხრიდან შუა დერეფნის მიმართ გარკვეული გარანტიები გაჩნდა“, – განაცხადა ლევან დავითაშვილმა „ქრონიკაში“ .
დავოსის ეკონომიკური ფორუმი 4 დღის განმავლობაში მიმდინარეობდა, სადაც 52 სახელმწიფოს ლიდერი და 600-ზე მეტი საერთაშორისო მასშტაბის კომპანიის მმართველები შვეიცარიაში მსოფლიო ეკონომიკასა და პოლიტიკაზე მსჯელობდნენ.
საქართველოს პრემიერ-მინისტრი ირაკლი ღარიბაშვილი დელეგაციასთან ერთად შვეიცარიაში იმყოფებოდა, სადაც მონაწილეობა მიიღო ყოველწლიურ მსოფლიო ეკონომიკურ ფორუმში, რომელიც დავოსში გაიმართა.