მოსაზრება, რომ რუსეთის ეკონომიკა საქართველოსთან არსებული ტვირთბრუნვის ხარჯზე სულდგმულობს, სასაცილოა,– ამის შესახებ, „ქართული ოცნების“ წევრმა დავით მათიკაშვილმა განაცხადა.
მისივე თქმით, საქართველოს რუსეთთან ტვირთბრუნვა შემცირებული აქვს, ხოლო სხვა ქვეყნებთან – გაზრდილი.
„ის მოსაზრება, რომ რუსეთის ეკონომიკა საქართველოსთან არსებული ტვირთბრუნვის ხარჯზე სულდგმულობს, სასაცილოა. პარტია „ქართული ოცნების“ თავმჯდომარემ წერტილი დაუსვა ყველა სპეკულაციას, მან საფუძვლიანი და არგუმენტირებული პასუხი გასცა იმ ტყუილებს, რომლითაც კიდევ ერთხელ ჩვენს ქვეყანაზე თავდასხმას ცდილობენ და აშკარაა შეუიარაღებელი თვალითაც, რომ ის ტვირთბრუნვა, რომელიც ჩვენ რუსეთთან გაგვაჩნია, არის შემცირებული და ეს ყველაფერი ხდება იმ მოცემულობაში, როდესაც მეზობელ, სხვა ქვეყნებთან საქართველოს გაზრდილი აქვს ექსპორტი“,- განაცხადა მათიკაშვილმა.