საპარლამენტო უმრავლესობის წევრი, რატი იონათამიშვილი მიხეილ სააკაშვილის კვების რაციონთან დაკავშირებით „ვივამედის“ ხელმძღვანელობის მიერ გაკეთებულ განცხადებას გამოეხმაურა.
„თუ კალორიების დათვლა არ შეეძლოთ, ნამდვილად არ მეგონა, მაგრამ მეორე მხრივ, რომ ვთქვათ, ფაქტობრივად, ეს კიდევ ერთხელ აჩვენებს, რომ ხელოვნურია მთელი ის დისკუსია, რომელიც ამ ადამიანის ჯანმრთელობასთან დაკავშირებით იყო წარმოდგენილი. ცხადია, მსგავსი ფაქტები კიდევ უფრო მეტად ამყარებს იმ ეჭვს, რომ ეს ყველაფერი ხელოვნურია, რათა როგორმე ვირტუალური საფუძველი შეუქმნან, რათა ამ ადამიანმა არ აგოს პასუხი კანონის წინაშე და კანონის აღსრულება არ მოხდეს“, – განაცხადა იონათამიშვილმა.
„ვივამედის“ გენერალურმა დირექტორმა, ნინო ნადირაძემ გადაცემაში „იმედი LIVE“ მიხეილ სააკაშვილის ჯანმრთელობის მდგომარეობაზე ისაუბრა და განაცხადა, რომ მათი ხვეწნა-მუდარის მიუხედავად, ოჯახის წევრებს მისითვის ჯანმრთელობისთვის საჭირო საჭმლის კალორაჟიც არ მიაქვთ.