“საკრებულოში კოალიცია რომ შექმნეს “ნაცმოძრაობამ“ მელიას ხელმძღვანელობით და გახარიამ, აქამდე არ იცოდით?”

კოალიცია „ნაციონალურ მოძრაობასა“და გიორგი გახარიას პარტიას შორის – ამჯერად ინფორმაციას თავმჯდომარეობის კანდიდატი, გიორგი მუმლაძე ავრცელებს.

მისი განცხადებით, პარტიებს შორის კოალიცია დიდი ხანია არსებობს, რასაც „ნაციონალური მოძრაობის“ შეცდომად მიიჩნევს. მისი განცხადებით, სწორედ პარტიასთან “საქართველოსთვის” თანამშრომლობამ განაპირობა ამომრჩევლის უნდობლობა „ნაციონალური მოძრაობის“ მიმართ.

მანამდე, თვითმმართველობის არჩევნების დროს მმართველი პარტია მუდმივად საუბრობდა ნაცმოძრაობისა და გახარიას პარტიის თანამშრომლობაზე, თუმცა მხარეები აღნიშნულს უარყოფდნენ.

„ახლა გაიგეთ? რა უცნაურია. საკრებულოში კოალიცია რომ შექმნეს „ნაცმოძრაობამ“ მელიას ხელმძღვანელობით და გახარიამ, აქამდე არ იცოდით? ორი წლის წინანდელ ამბავზე მეკითხებით, ყველამ იცის, ეს. მსგავსმა ფაქტმა ძალიან ცუდი გავლენა იქონია ჩვენს მხარდაჭერებში. პარტიაზე გაბრაზდნენ ჩვენი მხარდამჭერები, რომ 2022 წელს, მელიას გადაწყვეტილებით საკრებულოში გახარიასთან შეიქმნა კოალიცია“, – განაცხადა გიორგი მუმლაძემ.