თუ უტაქტობაში არ ჩამომართმევთ, ცოტა ძნელია სერიოზულად აღიქვა ხაბეიშვილის განცხადებები, – ამის შესახებ პარლამენტის ადამიანის უფლებათა დაცვის კომიტეტის თავმჯდომარემ, მიხეილ სარჯველაძემ „ქრონიკაში“ განაცხადა.
მისი თქმით, ლევან ხაბეიშვილის პირველივე განცხადებები არასერიოზულია.
„პირველივე განცხადებები, რითაც ამ კაცმა თავმჯდომარის პოსტზე მოღვაწეობა დაიწყო, ყველაფერს არასერიოზულობის ელფერი დაჰკრავს და ეს არ არის განპირობებული მხოლოდ განცხადების ავტორის ფაქტორიდან. შინაარსობრივადაც თუ გავანალიზებთ, ოფისს გადმოგიფორმებთ და გაათავისუფლეთო, ასეთი გარიგებების შემოთავაზება, არასერიოზულია. ჯერ ერთ ვის რაში სჭირდება ეს ოფისი? ეს არის პრობლემა და ტრაგედია, რომ რეალობის აღქმა აქვთ დაკარგული.
რაც შეეხება მანდატების დატოვებას, მე თუ მკითხავთ, დიდი ტყუილი იქნება ვთქვათ, რომ „ნაციონალების“ მანდატების ქონა-არქონა საერთოდ რამეს ცვლიდეს ქართული სახელმწიფოსთვის. გამახსენეთ, რომელი ინიციატივა ჰქონდათ, ან რომელი საკანონმდებლო ინსტრუმენტი გამოიყენეს? არეულობისა და გაფუჭების გარდა სხვა რომელი ფუნქცია გამოიყენეს?“, – განაცხადა მიხეილ სარჯველაძემ.