მთავარი, რაც დღეს საზოგადოებას აწუხებს არის ფასები. იყო სერიოზული ინფლაცია. შარშან გვქონდა თითქმის 10% ინფლაცია. რა თქმა უნდა, ეს მაჩვენებელი დასტაბილურდება, ამის პროგნოზი უკვე არსებობს და ზაფხულში იქნება ბოლომდე დასტაბილურებული. დამატებითი ინიციატივები ამ კუთხით არის აუცილებელი. იმედი მაქვს ეს პროცესი დასრულდება, როგორც საწვავის, ასევე პირველადი მოხმარების პროდუქტებზე ფასების შემცირებით, – ამის შესახებ „ქართული ოცნების“ თავმჯდომარემ, ირაკლი კობახიძემ განაცხადა.
„ამის რესურსი არსებობს და პარლამენტისგან რაც იქნება საჭირო პრემიერი ამ ინიციატივის განხორციელებისთვის, ყველაფერს გავაკეთებთ. პირველ რიგში კონსულტაციები უნდა გაიმართოს კომპანიებთან, რა თქმა უნდა ბიზნესის ინტერესებიც უნდა იყოს გათვალისწინებული, მაგრამ ჩვენთვის განსაკუთრებით მნიშვნელოვანია ფართო საზოგადოების, მოსახლეობის ინტერესები. ვნახოთ რა შეიძლება გაკეთდეს ამ მიმართულებით“, – განაცხადა ირაკლი კობახიძემ.