„მაინც მოუწევთ მიშას გაშვება ამათ, ვერ გატეხთ, ბიჭო! როგორ აგიხსნათ, ვერ გატეხთ ამ სააკაშვილს, რა!“, – ამის შესახებ ოპოზიციონერმა დეპუტატმა, გუბაზ სანიკიძემ „ტვ პირველის“ ეთერში ექსპრეზიდენტ მიხეილ სააკაშვილზე საუბრისას განაცხადა.
სანიკიძის თქმით, მიხეილ სააკაშვილი ციხეში რომ კვდება, ეს ხელისუფლებას და მოსკოვს უხარია.
„ვის უხარია დღეს რომ მიხეილ სააკაშვილი ციხეში კვდება? მოსკოვს და საქართველოს ხელისუფლებას. საერთო სიხარულები როგორ გაქვთ ამათთან? ცუდ ბანაკში აღმოვჩნდით. საქართველო არის პოტენციურად წაგებულ ბანაკში.
სააკაშვილი ფიზიკურად გატეხეს, პოლიტიკურად და მორალურად ვერ გატეხეს. მაინც მოუწევთ მიშას გაშვება ამათ, ვერ გატეხთ, ბიჭო! როგორ აგიხსნათ, ვერ გატეხთ ამ სააკაშვილს, რა! არ მოინანიებს, არ იტყვის ამას, რამდენი თვეა ეჩალიჩებით!“, – აცხადებს გუბაზ სანიკიძე.